悠悠行

見到d屋仔應該知道呢到係邊到啦:-)

我真係好鍾意去大澳行的，有山、有水，有食有得shopping!
呢日賣甩大少，同兩個舊同事去行下食下


                                 

呢到俾我感覺好寧靜好舒服！

                         
              次次同大少都想試既舖頭，但得兩個人未能嘗試，今次有兩個食家，梗係要試下啦！

魚肚蒸雞，主角係魚肚，膠質好重，好正！

                                            咸鮮蝦乾籠仔蒸飯，用蝦醬、土尤、蝦乾、豬肉同埋咸魚仔，唔太咸好香，我唔好飯既都食左兩碗！

                                          鹽焗掩仔蟹，略嫌細隻d

                                          最右邊那一籠係客家籠仔蒸菜芯，用甜梅菜的，幾得意！

三個女人掃清夠厲害呢？

食完就開始運動啦！呢間蝦醬舖成日都咁多人，唔知係咪好正呢？

行行下聞到好香既味道，又有得食hehehe

砂爆魚肚聽得多，鹽爆真係未聽過，而且係用敏魚膠，好有膠質，好綿好粘口！好好味，一串$35都抵！

                                                   我地都買左一人一包，返屋企照跟！                              大少同小姐都話好食，下次再去要入多d貨先！     

諸事八掛既我地見到兩抽花膠，又多口咁問呀事頭媽係咩嚟，佢話係白花膠，好少有咁大隻，留俾個客既，仲即刻想收埋添，我地三個當然唔執輸，嘈到佢肯每人賣兩隻俾我地！

打算用嚟燉鮮奶俾小姐補補

繼續行、行、行，呢個屋前花園一向都好吸引的，屋主種左好多不同種類既植物

 呢棵結晒果既柏樹，同事話好難得喎，有邊個家有喜喜事，可以去試下屋主賣唔賣！

屋主好識做生意，門口擺滿花茶，佢既自家醃檸檬好好味，糖精少，食完唔會口乾

花茶全部有得試飲，仲即時係我地面前沖，保證無加工

我地買左d花茶，檸檬、菜干，滿載而歸！

滿足的一天！

Mei's Cooking---士多啤梨Swiss Roll

買左新玩具梗係要多d用佢先抵嘛！
試爐第三擊整Swiss Roll，今次跟“高橋教子的蛋糕捲AtoZ” 的全蛋法

而家士多啤梨旺季，又香又甜，最重要係平 hahaha

 今次好成功，個蛋卷好鬆軟！

大個藉口買新工具 hehehe，Tiffany Blue Handmixer好靚呢！

                                 今次用左呢個焗盆，入爐Size啱啱好

 手多多切左朵士多啤梨花，下次用嚟做蛋糕裝飾都好！

週圍食一Sushi Hiro壽司廣

近年樓上、商厦食店越來越多，連工廠大夏也佈滿法國丶意大利餐廳，如果租金平了而令食物有質素，我個人一點也不介意呢去工廠區吃美食！

呢日唔係去工廠區，而係銅鑼灣商厦的食店

Sushi Hiro壽司廣http://www.sushihiro.com.hk/cht/index.html#

佢地共有三間食店在同一大厦，有串燒、壽司、及天扶羅選擇。

我同小姐選左壽司店，雖然是主打壽司，但也可以點其他店的食物的。

                               Chirashi  御膳
                     沙律個汁好好味

                                茶碗蒸係必食的

                                好鍾意佢地的擺盆，好靚好精致！

                                海膽好鮮甜，配菜是我另一心頭好！

                                六款刺身好新鮮

天扶良御膳，粉醬薄脆好味！

 食物質素同環境都有85分，午市價錢較晚市抵食，小姐仲用$300擺左張VIP Card，即時可享九折，仲有$300 coupon下次用！

失望的一餐

係雜志食評中見到一間韓國餐廳，由韓國啊珠媽主理，標榜正宗韓國家庭風味。
離我工作地點好近，專門約小姐同朋友仔一齊去，希望可以試多d款式的。
                     內街一間小小的店，裝潢普通

                               雞肉石頭窩飯，無味道的，又無飯焦香！

燒牛肉由廚房煮好的，但似京蔥炒牛肉多d

                                          人蔘雞湯是唯一可以的

          食到呢到都唔想再加餸啦！呢餐要$5xx，味道、招呼唔掂！無下次

Mei's Cooking 超易流心蛋做法

最近愛上流連廚房，同時係網上揾到好多有用的資料

揾到超容易做流心蛋方法，不用揸住支溫度計咁麻煩！

我一次過做左7隻

蛋要放室溫，資料顯示最好放三天，我只放了兩天。
蛋放煲內，水要浸過面3cm，加蓋，校timmer9mins，開火！
在爐邊等水滾，水一滾打開煲蓋，繼續煲！
資料說一直煲到夠鐘，但我在6分30秒時將火調至中火煲至total 9mins

timmer一響將蛋盛起放在預備好的冰水中，我還加了一塊冰種，將冰水保持冷凍，浸約1小時攪掂

午餐給小姐做了燒牛肉露筍流心蛋沙律
小姐話好味，連沙律醬都不用落
                     下次試下5分鐘的時候調到中火，讓流心更多！

試爐第二擊～蒸魚

選呢個爐其中一個重要原因是有蒸 的功能，試過一年玩蒸糕，熱氣令成個廚房濕晒，怕怕了！

從網絡中知道個爐可以蒸雞，蒸魚，所以急不及待買條魚返來試下！

唔知大家係咪有同樣經驗，每次用鑊蒸魚都會成碟水，好似水浸魚咁！

跟爐送的焗盆好好用，用嚟蒸、焗都好啱使
用mode26焗30mins，無水汪汪，連盆底都無水，點解呢？

                                   條魚好滑又唔乾，小姐食得好滋味！

同場加映大家都愛吃的蕃茄炒蛋

                                   開飯啦！

成功完成第二次測試，對個爐越來越滿意的！