黑龍板蕎麥麵專門店

近來少了外出吃飯，一來買左個新焗爐要交下功課，二來外面的食物大多油膩的！

呢晚有人因為工作太忙太認真，咩都自己落手落腳去做，激嬲左小姐要請食飯！

清清地食呢間啦！

銅鑼灣世貿中心食店都唔少，無訂位要等左成三十分鐘！

四個人叫了兩set，我點的吉列芒士、露笋豚肉片，炸得好清爽，不覺得油膩，配傳統蕎麥麵，冰涼的麵汁很正，略嫌太少，要求添加竟要加錢><

 小姐的精選壽司，共24件，食材新鮮，最出色的是吞拿魚及油甘魚壽司

                                        很漂亮的器皿

 內裡是海膽黑松露蒸蛋，吃到很重的黑松露，但蛋味不足，很普通呢！

我地真係細食左，這樣已經後飽了！
食物、環境也不錯，會再來的！

Happy Birthday to My Dear

28072014

是時候好好整理之前的日記了！

已經有4年無同小姐一齊慶祝生日了，今年一家團聚了，當然要好好慶祝

為了有足夠時間消化，選了這間
Brasserie On The Eighth at the Conrad Hotel的Sunday Brunch
揀這裡是因為“貴精不貴多”

                                        Yummy yummy 的刺身

                  我只夠膽吃這裡的牛肉他他，即叫即做，牛味濃郁

 燒牛肉、和牛小漢堡、北京填鴨

                            大少開始欣賞芝士配ham的美味啦！

 喜愛海鮮的一定會滿意這裡的龍蝦、大蝦及蟹

肥美的煎鵝肝，好魔鬼啊！

   Sunday Brunch 每人有一個Main Course 的，我點了燒羊架，很嫩唔臊的

                                     大少同小姐要了煎牛肩，好得！

                             

Happy Birthday My Dear

Baby Mon Cher cafe

近半年發現身體出現一些唔尋常的痛，職業病的我往最壞的方何想，拖延至今決定求醫，幸好經由三位專業人士診斷後確定沒發現任何異樣！

小姐擔心的說以後有任何不適要立即求診，我當然知道病向淺中醫的道理，但怕的是知道結果後帶來一連串問題，幸好只是虛驚一場！

放下心頭大石，是時候準備下月旅行的事情，小姐叫我快d做功課呢！

                        

去旅行社辦完事緊係去TeaTea了

在尋找旅行資料時發現大阪有一間大排長龍的甜品店近日在香港開了分店，今日就先試香港版

Baby Mon Cher Cafe

位處Sogo B1的一角，可容立約20人，但只得3個店員，杯碟也來不及收拾，對比日本店的高貴，這間差太遠了(>_<)

裝飾佈置還好，粉色系的

点餐後要自取的

 必試的堂島卷，用了北海道牛奶打成的忌廉，看到那厚厚的忌廉還擔心會很膩的，意外的不太甜！

忘記了這款的名字，是用類似crepe的皮再卷以cream及水果，味道也不錯，但還是堂島卷較有印象！

這裡也有很多小朋友，少女喜愛的Sanrio人物蛋糕

我同小姐決定去大阪再試下味道有無唔同先！

小小心意

近日煩事纏身，鴕鳥的我不想思考，唯有寄情手作！
係工作上好照顧小姐的同事快為人母了，
小小意思，希望妳喜歡！

悠悠行

見到d屋仔應該知道呢到係邊到啦:-)

我真係好鍾意去大澳行的，有山、有水，有食有得shopping!
呢日賣甩大少，同兩個舊同事去行下食下


                                 

呢到俾我感覺好寧靜好舒服！

                         
              次次同大少都想試既舖頭，但得兩個人未能嘗試，今次有兩個食家，梗係要試下啦！

魚肚蒸雞，主角係魚肚，膠質好重，好正！

                                            咸鮮蝦乾籠仔蒸飯，用蝦醬、土尤、蝦乾、豬肉同埋咸魚仔，唔太咸好香，我唔好飯既都食左兩碗！

                                          鹽焗掩仔蟹，略嫌細隻d

                                          最右邊那一籠係客家籠仔蒸菜芯，用甜梅菜的，幾得意！

三個女人掃清夠厲害呢？

食完就開始運動啦！呢間蝦醬舖成日都咁多人，唔知係咪好正呢？

行行下聞到好香既味道，又有得食hehehe

砂爆魚肚聽得多，鹽爆真係未聽過，而且係用敏魚膠，好有膠質，好綿好粘口！好好味，一串$35都抵！

                                                   我地都買左一人一包，返屋企照跟！                              大少同小姐都話好食，下次再去要入多d貨先！     

諸事八掛既我地見到兩抽花膠，又多口咁問呀事頭媽係咩嚟，佢話係白花膠，好少有咁大隻，留俾個客既，仲即刻想收埋添，我地三個當然唔執輸，嘈到佢肯每人賣兩隻俾我地！

打算用嚟燉鮮奶俾小姐補補

繼續行、行、行，呢個屋前花園一向都好吸引的，屋主種左好多不同種類既植物

 呢棵結晒果既柏樹，同事話好難得喎，有邊個家有喜喜事，可以去試下屋主賣唔賣！

屋主好識做生意，門口擺滿花茶，佢既自家醃檸檬好好味，糖精少，食完唔會口乾

花茶全部有得試飲，仲即時係我地面前沖，保證無加工

我地買左d花茶，檸檬、菜干，滿載而歸！

滿足的一天！