Osaka 2015老媽大壽之旅 Day 2

自由行好處就係你想點都得，黃老太習慣遲起床的，所以第二天唔打擾佢，自己起床梳洗就出門辦正經事！

因為明天要帶老媽去有馬溫泉，所以今日要去買定長途巴士車票，事前做好功課，開著GPS地圖，一個人行去巴士站一路行都有d驚架，始終唔熟路嘛！而且氣溫只得8℃兼超乾燥，吹到塊面赤赤痛呢！

去到才知道是昨晚行的Mall另外一個出口，但行地下街同路面確有不同的！

買好車票，回酒店找老媽，來回差不多一小時，做夠運動去醫肚 lu 

老媽好期待來日本食刺身海鮮的

今日就滿足佢呢個願望啦

                                  海膽每個一千yen，非常有內涵！

                                            黃老太第一次食即開海膽，非常滋味！

                             食飽飽行街市，河豚店，見到有日本人揀完入店食

凍冰冰天氣最好食熱熱的關東煮加無糖熱豆漿，豆味極濃！

\

 由黑門市場中間右轉就是家具街，再左轉就是道具街，即是我們的上海街，買廚具的！

繼續行，行到去難波，黃老太都幾厲害

                                                           高島屋

                                   成條商店街都行得完，道頓屈著名的蟹蟹，

                                             跑步人返來了

道頓堀川—兩旁皆是食店，一蘭拉麵，道樂蟹，左手摩天輪位置就是24小時的激安的殿堂，瞓唔著可繼續shopping

 呢個牌子的鞋經常有不同的crossover，上次是Hello Kitty，今次是Alice in  Wonderland

行到、買到累又揾食了

我要了鹽味拉麵加溫泉蛋，湯汁好味但不膩

黃老太要了醬油味叉燒接麵，急不及待的起筷，大讚麵爽彈牙！

店員貼心的提我們這些配菜可自取免費的

Day 2 完結，晚安！

Osaka 2015老媽大壽之旅

老媽一句「我想去日本玩」，難得她有要求，那就作為大壽的禮物吧！
做足功課，酒店要近車站，找食店，安排行程！
                           便裝起行，深怕愛購物的兩母女出事！

酒店在JR站出口步行5分鐘，很方便的！

酒店房間基本設備齊全，夠寬敞，行李箱打開收拾無問題的！

看來老媽也頗滿意的

    電梯口有飲品售賣機，跟便利店的價錢一樣，不用捧回來！

處理好行李先帶黃老太去醫肚，選擇住梅田因為食、買、睇全都很方便，四周都是百貨公司及便利店

第一餐先去新梅田食道街食大阪燒

每次來大阪必定去呢間的

                                          先來個雜錦炒麵

看著廚師整，黃老太也手癢癢的

再來就是出名的大阪燒，這個要了海鮮餡

                                           黃老太很落力的吃呢！

吃完時間尚早，去了阪急三番街shopping受朋友所托去拐購物呢

第一天只是拍照給朋友看，等收order入貨

阪急三番街內還有很多可供出血的店鋪呢！

                               行夠了，回程在大丸超市買水果做消夜

Day 1完結 Good Night！

手工挑戰—燈罩

台灣人去露營配備真不少，枱枱凳凳、煲煲鑊鑊一大堆，超認真的！
老哥跟我說他的露營燈沒有燈罩很刺眼，想我替他造一個燈罩，我一定是食錯藥，竟然答應他，事後後悔得要死，從來無做過這玩兒的，怎懂得做呀！

不停喜Ikea睇實物及上網揾資料，勉勉強強做了這個

大哥你個妹玩就叻，整野好麻麻咋，唔好再出題啦！

織、織、織！

今年手織物是多產的一年，多得人妻Koro教會我Enterlac及Bioche的織法，停不了的！
                    
                     

                                               契女No.1的返學頸巾

 

                                                 
                             契女No.2的頸圈

                        
                              Enterlac帽

                                                     Bioche stitches 頸巾

                                                  無指手套

                                 呢套冬天三寶是送給嫂嫂的，佢地好鍾意冬天去                         露營的

                                              
   咁鮮豔既顏色梗係織俾我至愛既黃老太，帶去日本用剛剛好！

新年菜

現在過年的氣氛遠遠不及小時候，記得以前接近過年時，
經常在回家時在走廊嗅到炆冬菇的香味，那是家的味道，很懷念呢！

今年有很強烈想自己嘗試炆冬菇，在不同店鋪買回來的冬菇都不是記憶中的厚、爽、滑的感覺，差點想放棄呢！
上天待我也不薄，無意間碰到一間藥材店，買到心水的冬菇！

跟足高人指點浸軟冬菇後用油、糖、豆粉醃了
用薑片爆鑊，加冬菇，浸冬菇的水，蠔油、糖同炆！

過年餸當然要豐富d，加入海參、鴨掌、以生菜墊底，上枱了！

祝大家豐衣足食！

小妹而家身在大阪同老媽吃喝玩樂了，回來再分享！

麵包機Panasonic 106

多得日本朋友Koro幫忙用超超超值價錢買左呢部新款麵包機，配埋火牛，睇左一晚說明書，先做最基本既方包先

懷住擔心既心情，怕有咩閃失，四個人既brunch就無架啦！

                                             內外都好似唔錯喎！

                             自家方包，3.6牛奶炒蛋，蒜香有機蘑菇，好味腸仔

Good Morning my friend!